احب اقدم اول رواية لي " من لهيب الشوق ..""
روايتي اليوم غير عن كل الروايات روايتي فيها أمل مفقود فيها وفا فاقدينا بزمن الخيانة فيها حب و فيها إخلاص في حياة تحلم تعيشها كل بنت بعيدة عن خيانة الريال ومشاكله فيها حلم كل بنت بانها تعيش الحب و تجربه و يكون هالشخص من نصيبها و يعطيها اكثر من ما تعطيه فيها و فيها مابي امدح روايتي بس أبيكم تحبونها مثل ما انا حابتها في ناس بتقول يمكن مبالغة فيها بس والله هالناس موجودة معانه بالواقع عايشه بينه يمكن تكون قريبة منه الحب شي سهل بس الأسهل صار الخيانة للأسف روايتي كتبتها عشان أبين انه الدنيا للحين بخير للحين في ناس تحب بوفا و للأسف في وايد ناس سواء كانو بنات او شباب قعد يخربون صور الباجي بأفعالهم و خرابيطهم صارت الثقة مفقودة للأسف روايتي بتعطيني الأمل بحياتي و أتمنى تعطيكم هالأمل مثل ما عطتني ...
بيت جاسم ( بو زينب )
اسراء ( لابسه تنورا فوقها بالطو رسمي و مسويه شعرها ويفي و فرق بالنص و الميك اب حيل ناعم ) : امبي زوووز شكلي جذي زين
زوووز : واااي واااااي اسور مو من صجج ترا بتروحين دقيقتين اكيد بقولون عطينا أوراقج و نتصل عليج نفس باجي الشركات و كالعادة احلى سكب لانه الواسطات لاعبه لعب و انتي مو راضيه ابوي يتوسط لج او تشتغلين بشركة ابوج الله يرحمه امج شكثر قالت لج روحي شركة ابوج تصيرين انتي الامرا الناهية مو راضيه شكثر تحبين تعاندين
اسراء : اوووووو زوووز خلاص تحنين انا قتلج بعتمد على نفسي ومابي واسطات من ابوج و لاشي خلاص
زوووز : عنيده ما منج فايده .. انزين ادري هالحجي ما راح يفيد معاج امشي ننزل تحت نتريق
اسراء : لا لا مابي اتاخر
زوووز: وين تتأخرين تو الناس بتروحين قبل الموظفين
اسراء : مالج شغل فيني .. امشي بس ننزل اشوف خالتي و عمي
زوووز : صج اسور امج لي متى بتعيش مع ريلها ببريطانيا
اسراء : امي والله ما ادري على حسب عمي خالد متى ما خلص شغله
زوووز : الله يردهم بالسلامة
اسراء : انتي هي ترا اخرتيني بروحي مو ناقصه يلا امشي تحت
( خلوني شوي اعرفكم على زينب و اسراء )
زينب عمرها 24 سنة تشتغل مهندسة في شركة ابوها وحيدة امها و ابوها و بنفس الوقت تصمم أزياء بوقت فراغها بس حق اهلها و رفيجاتها طيبه لي ابعد الحدود و جمالها يجذب ما شاء الله و فوق كل هذا انيقه عيونها وساع و شفايفها مرسومة رسم و خشمها صغيرون يعني ناعمه بمعنى الكلمة و ويها بيبي و طوله حلو و جسمها بعد الابتسامة ما تفارق شفايفها و بنفس الوقت ام دميعة على أي شي تبجي و
اسراء عمرها 23 سنة للحين ما تشتغل ابوها متوفي لانه كان مريض و اهيا عمرها 3 سنين يعني ما عاشت معاه وايد و امها بعد ما صار عمرها 10 سنين تزوجت و الحمدالله كان خوش واحد ز يعامل اسراء مثل بنته بالنسبة حق شكلها عيونها صغيره خشمها سيف و شفايفها مرسومة و قزمه شخصيتها بتعرفونها بس اهم شي فيها العناد بشكل مو طبيعي و دمعتها ما تنشاف نهائيا الا زوووز ساعات تشوفها اسراء عايشه فبيت خالتها مريم ( ام زوووز ) لانه امها وايد تسافر مع ريلها و الحين تبي أدور شغل مع انه ابوها عنده شركة بس تبي تعتمد على نفسها
اسراء : قوه مريوم شلونها الحلوة اليوم
مريم : هلا يما هلا أسورا
اسراء : هلا فيج خالتي .. يما انا بمشي تامريني بشي
مريم : وين حبيبتي ما كليتي شي قعدي ليش مستعيله جذي
اسراء : يما تدرين عندي اليوم موعد و مابي اتاخر
زوووز : أي يما خليها خليها هذي وين تسمع الحجي بشوف انا لي وينبوصلها عنادها
اسراء : يلا باي
مريم : الله يحفظج و يوفقج يما
زوووز : و انا ليش ما تدعيلي نفسها ترا انا بنتج الصجيه
مريم : هههه اثنينكم بناتي و لا نسيتي اني انا مربيتها و تقولي يما اكثرمن امها اثنينكم حبايبي
زوووز : أي اشوا عبالي ناسيه .. الا صج وين ابوي
مريم : راح اليوم مبجر بيون وفد من أمريكا و لازم يخلص معاهم الشغلمبجر
زوووز : اها الله يوفقه يلا خل اكل لا اتاخر بعدين يقولون بنت المديرماخذه راحتها
مريم : أي يما عشان الله يوفقج
زوووز: انشالله يما
********************************************
يتبع
